पर्वत– स्वर्गिय गिरिजाप्रसाद कोइरालाको ९६ औं जन्मजयन्तिको अवसरमा नेपाली काँग्रेस पर्वतले एक कार्यक्रमको आयोजना गरि स्वर्गिय गिरिजाप्रसाद कोइरालाको राजनीतिक योगदानको चर्चा गरेको छ ।
नेपालको लोकतान्त्रिक आन्दोलनका कमाण्डर समेत रहेका कोइरालाले अवलम्बन गरेको बाटोमा काँग्रेस अविचलित भएर हिँड्नुपर्नेमा वक्ताहरुले जोड दिएका थिए । कार्यक्रममा बोल्दै नेपाली काँग्रेस पर्वतका पूर्व सभापति तथा प्रतिनिधिसभा सदस्य लालकाजी गुरुङले नेपालको लोकतान्त्रिक आन्दोलनमा खेलेको भूमिका काँग्रेसका अविस्मरणीय भएको उल्लेख गर्दै उहाँको त्याग, निष्ठा र बलिदानलाई नेपाली काँग्रेसले सँधै उच्च सम्मान गर्ने वताउनु भयो ।
कार्यक्रममा नेपाली काँग्रेस पर्वतका उपसभापति दुर्गाबहादुर खत्रीले कोइराला निर्भिक र निडर नेता भएको स्मरण गर्दै देशलाई आजपनि कोइरालाजस्तै साहसी नेताको आवस्यकता रहेको वताउनु् भयो ।
कार्यक्रममा नेपाली काँग्रेस पर्वतका कोषाध्यक्ष तथा जलजला गाउँपालिकाका अध्यक्ष यामबहादुर मल्ल (रामकृष्ण)ले नेपाली काँग्रेसका नेताहरुले नेपालको प्रजातान्त्रिक आन्दोलनमा पु¥याएको योगदान निकै गौरवपूर्ण रहेको भएपनि अहिले काँग्रेस–काँग्रेसवीचको वेमेल र गुटबन्दीले पार्टी निकै कमजोर अवस्थामा पुगेको वताउँदै यो अवस्थामा काँग्रेसलाई जोडेर एकढिक्का बनाउनुपर्ने आजको आवस्यकता भएको धारणा राख्नुभएको थियो ।
पार्टी उपसभापति दुर्गाबहादुर खत्रीको सभापतित्वमा भएको कार्यक्रममा काँग्रेस नेता लोकनाथ आचार्य, जलजला गाउँपालिकाका उपाध्यक्ष सीमा गर्वुजा पुन, जिल्ला कार्य समितिका सदस्यहरु कुलप्रसाद उपाध्याय र सरस्वती शर्मा जिज्ञाशु लगायतले बोल्नुभएको थियो भने कार्यक्रममा स्वागत मन्तव्य जिल्ला कोषाध्यक्ष तथा जलजला गाउँपालिकाका अध्यक्ष यामबहादुर मल्ल (रामकृष्ण) र कार्यक्रमको संचालन जिल्ला सदस्य डा. चूडामणि शर्माले गर्नुभएको थियो । कोइरालाको निधन २०६६ साल चैत्र ७ गते भएको थियो ।
२०४६ सालपछिको २० वर्षे नेपाली राजनीतिको शीर्ष स्थानमा रहेका कोइराला बहुदलीय व्यवस्थाको पुर्नस्थापनापछि चारपटक नेपालको प्रधानमन्त्री बनेका थिए ।
त्यस्तै गिरिजाप्रसाद कोइरालाको ९६औं जन्मजयन्तीको अवसर पारेर जी.पी. फाउन्डेसन पर्वत शाखाको कार्यलयको शुभारम्भ गरिएको छ ।
कार्यलयको उद्घाटन गर्दै प्रतिनिधि सभा सदस्य लालकाजी गुरुङले गिरिजाप्रसाद कोइराला नेपालको राजनीतिक प्रजातान्त्रिक आन्दोलनको प्रमुख यौद्धा भएको सम्झदै कोइरालाकै अगुवाइमा नेपालमा शान्ति प्रक्रिया अघि बढेको स्मरण गर्नुभयो । गुरुङले गिरिजा प्रसाद कोइराला नभएको भए नेपालमा अहिले पनि शान्ति, सुब्यबस्था हुने थिएन । कोइरालाले राजनीतिक जिवनमा गरेका बिकास त्याग, आदर्श बाट नेपाली कांग्रेसले मात्रै हैन सबै पार्टी र नेपालीले पाठ सिक्नु पर्ने बताउनु भयो ।
त्यस्तै गुरुङले अहिलेको सरकार जनताको चहानाअनुसार काम नगरी अधिनायकबाद तर्फ लागिरहेको समेत आरोप लगाउनु भयो । कार्यक्रममा नेपाली कांग्रेस पर्वतका पुर्व पार्टी सभापति नबराज गुरुङले तत्कालीन अबस्थामा जंगलमा रहेको कमन्युष्टलाई शान्ति प्रक्रियामा लिनु, विभिन्न समयमा राजनीतिक र प्रजातान्त्रिक आन्दोलनको अगुवाई गर्ने आंट सहास गिरिजा प्रसाद कोइरालामा रहेको र उहाँ एउटा निडर, दुरदर्शि, र निर्णय क्षमता भएको नेताको रुपमा स्मरण गर्नुभयो ।
जी.पी फाउन्डेसन पर्वतका अध्यक्ष वसन्त बहादुर सि.के ले फाउन्डेसनले प्रजातान्त्र, शान्ति र बिकासका पक्षमा काम गर्ने बताउनु भयो । कार्यक्रममा नेपाली कांग्रेस पर्वतका उपसभापति दुर्गा बहादुर खत्री, नेपाली कांग्रेसका वरिष्ठ सल्लाहकार लोकनाथ आचार्य, कुश्मा नगरपालिकाका उपमेयर सीता काफ्ले लामिछाने लगायतले आफ्ना बिचार राख्नुभएको थियो । जी.पी. फाउन्डेसन पर्वतका अध्यक्ष वसन्त बहादुर सि.के.को अध्यक्षतामा सम्पन्न भएको कार्यक्रममा उपाध्यक्ष लेखनाथ शर्माको स्वागत र सचिब गुप्तनिधी शर्माले गर्नुभएको थियो । कार्यक्रममा नेपाली कांग्रेसका भातृ तथा सुबेच्छुक संघसंस्थाका प्रमुख तथा प्रतिनिधि नेता कार्यकर्ताको उपस्थिति रहेको थियोे ।