नेकपा एमाले पर्वतको इन्चार्जमा जगत विश्वकर्मा - News site from Nepal
नेकपा एमाले पर्वतको इन्चार्जमा जगत विश्वकर्मा

पर्वत – नेकपा एमाले पर्वतको इन्चार्जको जिम्मेवारी जगत विश्वकर्माले पाउनुभएको छ । कास्की निवासी विश्वकर्मालाई हालै पर्वतको इच्चार्जको जिम्मेवारी तोकिएको हो । उहाँ गण्डकी प्रदेश कमिटी अध्यक्ष समेत रहनुभएको छ । उहाँ पूर्व खेलकुद मन्त्री समेत हुनुहुन्छ ।पर्वतको इन्चार्ज तोकिएसँगै जिल्लाको समग्र संगठन सुदृढिकरण र विस्तारमा उहाँको भूमिका प्रभावकारी बन्नेमा कार्यकर्ताहरुको अपेक्षा रहेको छ ।
यसैगरी नेकपा एमालेले गण्डकी प्रदेशका मुख्यमन्त्री पृथ्वीसुब्बा गुरुङलाई पुनः गण्डकी प्रदेश इन्चार्जको जिम्मेवारी तोकेको छ । एमाले स्थायी समिति सदस्यसमेत रहेका गुरुङ यसअघि साविक नेकपाको पनि प्रदेश इन्चार्ज थिए ।

प्रदेश सह-इन्चार्जको जिम्मेवारी तीन जनाले पाएका छन् । गण्डकी प्रदेश आर्थिक मामिला तथा योजना मन्त्री किरण गुरुङ, संघीय सरकारको कृषिमन्त्री पद्मा अर्याल र लिलबहादुर थापा मगरलाई प्रदेश सहइन्चार्जको जिम्मेवारी दिइएको छ ।

प्रदेशको आर्थिक मामिला मन्त्री गुरुङलाई बैदेशिक रोजगार सम्बद्ध संगठनहरुको इन्चार्जसमेत तोकिएको छ । मन्त्री अर्यालले भने सहइन्चार्जका साथै कृषि तथा भूमिसुधार विभाग प्रमुखको जिम्मेवारी पनि पाएकी छन् ।
प्रदेश सचिवको जिम्मेवारी दिइएको गोबिन्दबहादुर नेपालीलाई मुस्ताङ इन्चार्ज पनि तोकिएको छ ।
यसैगरी, कास्की इन्चार्जमा मानबहादुर जिसी, तनहुँ इन्चार्जमा एकबहादुर रानामगर, म्याग्दी इन्चार्ज भुपेन्द्र थापा, बाग्लुङ इन्चार्ज मनाकुमारी केसी, लमजुङ इन्चार्ज मायानाथ अधिकारी, स्याङ्जा जिल्ला इन्चार्जमा सिताकुमारी सुन्दास, गोरखा र मनाङ जिल्लाको इन्चार्जमा गण्डकी प्रदेश सरकारका प्रवक्तासमेत रहेका रामशरण बस्नेत र नवलपरासीपूर्वी जिल्लाको इन्चार्ज तिलबहादुर महत क्षेत्री (तिलक) लाई तोकिएको छ ।
कास्की इन्चार्जको जिम्मेवारी पाएका जिसी पोखरा महानगरपालिकाका मेयर समेत हुन् भने स्याङ्जा इन्चार्ज सुन्दास जिल्ला समन्वय समिति महासंघकी केन्द्रीय अध्यक्ष हुन् ।
कास्कीका नेता भीमबहादुर कार्कीलाई पोखरा महानगरपालिका इन्चार्जको जिम्मेवारी दिइएको छ ।
कास्कीकै एमालेका नेता पूर्वमन्त्री खगराज अधिकारीले भने स्वास्थ्य तथा जनसंख्या विभाग प्रमुख तथा स्वास्थ्य सम्बद्ध संगठनहरुको इन्चार्जको जिम्मेवारी पाएका छन् ।
गण्डकी प्रदेशमा पनि माधव नेपाल पक्षका नेता कार्यकर्ताहरुले पार्टीको दशौं राष्ट्रिय महाधिवेशन आयोजक कमिटीको सदस्यबाहेक अन्य जिम्मेवारी पाएका छैनन् ।

प्रतिक्रिया

सम्बन्धित समाचार

© 2021 लोकतन्त्र अनलाईन All right reserved
Site By : Softnagari
error: Content is protected !!