कार्यक्रममा े सहभागीहरुले अपाङ्गमैत्री वातावरण हुनु पर्ने, अपाङ्गता भएकाहरुलाई राज्यले जुन किसिमको सहयोग दिनु पर्ने हो सो अनुसार नभएको समस्या तथा गुनासो राखेका छन । त्यस्तै कस्तो प्रकारको अपाङ्गता भएको हो पहिचान गरि सोहि किसिमको सिप प्रदान गर्नुपर्ने समेत बताएका छन । अपाङ्गता संघका अध्यक्ष यज्ञ प्रसाद शर्माले एन र कानुनमा अपाङ्गता भएका व्यक्तिलाइ विशेष अधिकारको व्यवस्था भएपनि अपाङ्गता भएका सबै व्यक्तिले लाभ लिन नसकेको मा दुख व्यक्त गर्नुभयो ।
उपप्रमुख मञ्जु अधिकारीले शरिरको कुनै भागको असक्षमता भन्दा पनि आफुले आफैलाइ कमजोर अनुभुत गर्ने मानसिक अवस्थाका कारण अपाङ्गता भएका व्यक्तिहरु थप पछाडी परेको बताउनुभयो । साथै उहाँले फरक क्षमता भएका व्यक्तिले पनि समाजमा सम्मानित जिवन बाच्न पाउनुपर्नेमा जोड दिनुभयो ।
अपाङ्गता, अपाङ्गताको अवस्था,वर्गिकरण अपाङ्ग व्याक्तिहरुको तथ्याङ्क लगायत अन्तरक्रिया कार्यक्रमको बारेमा नगरपालिकाका योजना व्यवस्थापक देवि प्रसाद तिमिल्सिनाले प्रकाश पार्नुभएको थियो ।
नगरपालिका का एघार वडाका प्रत्यक २ जना अपाङ्गता भएका व्यतिmहरुको कार्यक्रममा सहभागिता रहेको थियो । उनिहरुले जिविकोपार्जन र स्वाबल्म्वी जिवन ज्यूनका लागि नगरपालिकाले सिपमुलक तालिम,रोजगारी र व्यवसायमा संलग्न हुनको लागि सहयोग गर्न आग्रह गरेका छन । कार्यक्रममा नगरकार्यपालिका का दलित महिला सदस्य केशा परियार,नगरसभा सदस्य प्रमिला गुरुग,निर्मला भुसाल स्थानिय समन्वय समिती प्रमुख विष्णु प्रसाद सापकोटा लगायत बोल्नुभएको थियो । नगरपालिका का निमित्त प्रमुख प्रशासकीय अधिकृत कृष्ण प्रसाद पौडेलको स्वागत मन्तव्य,उपप्रमुख मञ्जु अधिकरीको अध्यक्ष्तामा सम्पन्न कार्यक्रमको सञ्चालन महिला बालबालिका तथा जेष्ठ नागरीक शाखा प्रमुख विष्णु चापागाईले गर्नुभएको थियो ।
