रामचन्द्र भुसाल
फलेवास –  पर्वतको फलेवास नगरपालिका ५ खानिगाउँमा सिसि क्यामेरा जडान गरीएको छ । वडा कार्यालयको सहयोग तथा प्रहरी पोष्ट खानिगाउँको सहजिकरणमा क्यामेरा जडान गरीएको हो ।
पछिल्लो समय पर्वत लगायतका विभिन्न जिल्लाहरुमा चोरीका घटना बढ्दै गएकोले सुरक्षा व्यवस्थापनमा सहयोग पुग्ने उद्धेश्यका साथ खानिगाउँको पिप्ले चोकलाई मुख्य केन्द्रविन्दु बनाएर प्रहरी पोष्ट र धुलिखेल अस्पताल क्षेत्रमा क्यामेरा ५ ओटा क्यामेर जोरी सञ्चालनमा आएको प्रहरी पोष्ट खानिगाउँका प्रहरी हवल्दार विर्ख बहादुर रोकायले जानकारी दिनुभयो । सिसि क्यामेराको सहायताले त्यस क्षेत्रमा भएगरेका गतिविधिहरुको निग्रानि गर्न सजिलो हुने भन्दै क्यमेरा जडान गर्दा सुरक्षा व्यवस्थापनमा सहज हुने विश्वास गरीएको छ ।
केहि समय अगाडि फलेवासका विभिन्न ठाउँमा चोरी भएको घटनाले स्थानिय चिन्तित हुँदै आएका थिए । सुरक्षा व्यवस्थापनलाई प्रभावकारी तथा बलियो बनाउन प्रहरीसंग साझेदारी गरी क्यामेरा जडान गरीएको वडाध्यक्ष नारायण प्रसाद लामिछानेले बताउनुभएको छ ।