यस्तो आयो कुरा, अब विद्यार्थी फेल भए शिक्षकलाई कारबाही गरिने - News site from Nepal
यस्तो आयो कुरा, अब विद्यार्थी फेल भए शिक्षकलाई कारबाही गरिने

काठमाडौं– संघीय संसदको उपसमितिले परीक्षामा विद्यार्थी फेल भए शिक्षकलाई कारबाही गर्ने व्यवस्था गर्न सरकारलाई सुझाव दिएको छ । प्रतिनिधिसभाको शिक्षा तथा स्वास्थ्य समितिमातहत गठित उपसमितिले पठनपाठनमा सबैभन्दा बढी शिक्षक जिम्मेवार हुनुपर्ने भन्दै यस्तो सिफारिस गरेको कान्तिपुरदैनिकमा खबर छ।
एसईईमा ५० प्रतिशतभन्दा धेरै विद्यार्थीले ‘डी’ र ‘ई’ भन्दा कम ग्रेड ल्याए प्रधानाध्यापकको ग्रेड रोक्कासहित कारबाही हुनुपर्ने उपसमितिको प्रतिवेदनमा उल्लेख गरिएको छ ।
तीन वर्षभन्दा बढी एउटै विषयमा विद्यार्थीले ‘डी र ई’ ग्रेड ल्याए विषय शिक्षकलाई सेवामुक्त गर्नुपर्ने सुझावसमेत छ । यस्ता विद्यालयका प्रधानाध्यापकलाई पदबाट घटुवा गर्ने व्यवस्था सुझाइएको छ । उपसमितिका सुझाव शिक्षा ऐन र नीतिमा समेट्न सरकारलाई निर्देशन दिइएको छ ।
शिक्षा मन्त्रालयको कामकारबाही व्यवस्थित र प्रभावकारी बनाउन अध्ययन र निर्देशन दिने उद्देश्यले उपसमिति गठन गरिएको थियो ।
अध्ययनपछि सांसद उमेश श्रेष्ठको संयोजकत्वको ८ सदस्यीय उपसमितिले प्रतिवेदन बुझाएको हो । प्रतिवेदनमा एसईईमा ९० प्रतिशतभन्दा बढी विद्यार्थीले ‘ए’ र ‘ए प्लस’ ग्रेड ल्याए त्यस्ता विद्यालयलाई थप बजेट दिनुपर्ने उल्लेख छ । उत्कृष्ट नतिजा ल्याउने विद्यालयलाई कुल बजेटको ५ देखि १० प्रतिशतसम्म प्रोत्साहन तथा भौतिक पूर्वाधार विकासका लागि रकम दिनुपर्ने सांसदहरूको तर्क छ ।
नक्कली बयान सफाइ नै दुखाई शीर्षकको समाचार करिब २ वर्षअघि मरणासन्न हुने गरी श्रीमानबाट कुटिएकी दोलखा बिगुकी मतिरा खड्का उपचारपछि अहिले काठमाडौं जडीबुटीस्थित डेरामा छिन् । उनी नयाँ मानिस देख्नेबित्तिकै झस्किन्छिन् । टाउकोमा बाँधेको पट्टी खोल्दै, कस्दै र खुकुलो पार्दै गरेकी हुन्छिन् ।
श्रीमान सुन्दर जिसीले ढुंगाले टाउकोमा प्रहार गर्दा बेहोस बनेकी उनी १० दिनसम्म बेहोस भएकी थिइन् । अहिले उपचारपछि पुनःजीवन पाएकी छन् ।
३० खर्बको खोजी शीर्षकको अर्को समाचारमा लगानी सम्मेलनमा सरकारी ५०, निजी २७ आयोजना सोकेस गरिने, ४० बढी देशका ६ सय बढी सहभागी हुने, लगानी सम्मेलनबाट ३० खर्बको खोजी गरिने, लगानी क्षेत्रका चुनौती र अवसरबारे १० वटा सत्रमा बहस हुने लगायतका विषय समावेश गरिएको छ ।

प्रतिक्रिया

सम्बन्धित समाचार

© 2021 लोकतन्त्र अनलाईन All right reserved
Site By : Softnagari
error: Content is protected !!