आजको नयाँ पत्रिका दैनिकले सुन्दरीजलको माटो बोकेर कोइरालानिवासको भुइँ ढोग्न पुगे कार्यकर्ता तर, निवासको जग्गा कित्ताकाट गरेर बेचे कोइरालाकै सन्ततिले शीर्षकको समाचारलाई प्रमुख प्राथमिकताका साथ प्रकाशन गरेको छ ।
समाचारमा भनिएको छ– ३१ जेठमा झन्डै दुई सय कांग्रेस कार्यकर्ता विराटनगरस्थित कोइराला निवास पुगे ।
काठमाडौंबाट कोइराला परिवारको उद्गम थलो सिन्धुलीको दुम्जा हुँदै विराटनगर आइपुगेका उनीहरुले बिपी कोइराला आठ वर्ष थुनिएको सुन्दरीजलस्थित जेलको माटो पनि साथमा ल्याएका थिए ।
कांग्रेसको उद्गम थलो भन्दै उनीहरुले कोइरालानिवासको द्वारमा शिर टेकाए र भित्र पसे । उनीहरुलाई मेयर भीम पराजुली र कांग्रेस मोरङका सभापति डिकबहादुर लिम्बूले स्वागत गरे ।
तर त्यहाँ पुगेका कांग्रेस कार्यकर्ता आक्रोशित थिए । कोइराला निवासमा खटिएका सशस्त्र प्रहरीको सुरक्षा दस्ताा सरकारले भर्खरै हटाएकोमा उनीहरु रुष्ट बनेका थिए ।
अस्थाको धरोहर बेचियो
कांग्रेस कार्यकर्ता कोइराला निवसालाई आस्थाको धरोहर तीस्र्थस्थल मान्छन् । तर, कोइराला खलकका सन्तानले यो स्थान अंशबन्डा गर्दै बेच्दै गरिरहेका छन् ।
सुरुमा कोइरालानिवास दुई बिघाजति जमिनमा फैलिएको थियो । कृष्णप्रसाद कोइरालाका पाँच छोरामध्ये मातृकाप्रसादले आफ्नो अंश पहिल्यै लिइसकेका थिए । विश्वेश्वर, केशवप्रसाद, तारणीप्रसाद र गिरिजाप्रसादको अंशमा ८–८ कट्ठा पाएका थिए ।
तिनका सन्तानले जग्गा बेच्दै गएका छन् भने बेचिएका जग्गामा ठुल्ठूला घरहरु बन्न थालेका छन् ।