काठमाण्डाै – पछिल्लो २४ घण्टामा नेपालमा दुई सय ७० जनामा कोरोना भाइरसकाे सङ्क्रमण पुष्टि भएको छ ।
तीन हजार ८४ जनाको पीसीआर परीक्षण गर्दा दुई सय ७० जनामा कोरोना पुष्टि भएको स्वास्थ्य तथा जनसङ्ख्या मन्त्रालयले जनाएको छ । योसँगै कुल सङ्क्रमितको सङ्ख्या दुई लाख ६६ हजार आठ सय १६ पुगेको छ ।
यस्तै गएको २४ घण्टामा तीन सय ९० जना उपचारपछि डिस्चार्ज भएका छन् । योसँगै नेपालमा कोरोना सङ्क्रमणबाट निको हुनेको सङ्ख्या दुई लाख ६० हजार पाँच सय ६७ पुगेको स्वास्थ्य मन्त्रालयले जनाएको छ ।
यस्तै पछिल्लाे २४ घण्टामा पाँच जना कोरोना सङ्क्रमितको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या एक हजार नाै सय ४८ पुगेको छ ।
अहिले नेपालमा चार हजार तीन सय एक जना सक्रिय सङ्क्रमित छन् । सक्रिय सङ्क्रमितमध्ये एक सय ६५ जनाको आईसीयू र ३८ जनाको भेन्टिलेटरमा उपचार भइरहेको मन्त्रालयले जनाएको छ ।
