पर्वत- पर्वतको जलजला गाउँपालिका वडा नं. ९ बनौमा भएको आगालागीवाट एक घर जलेर पुणर् रुपमा क्षति भएको छ ।
स्थानीय हिमलाल फकामीको घर जलेर पुणर् रुपमा क्षति पुगेको हो । आइतवार दिउँसो ३ बजेको समयमा अचानक आगालागी हुँदा फकामीको घरमा रहेको अन्नवाली सवै जलेर नष्ट भएको वडा अध्यक्ष गौबहादुर पुनले जानकारी दिनुभयो ।
दिउँसोको समयमा आगालागी भएकाले मानविय क्षति भने हुन भने पाएन । घर जल्दा पाँच लाख भन्दा बढिको क्षति भएको छ भने फकामीको पाँच जनाको परिवार पुणर्रुपमा विस्थापित बनेको छ । अहिले उक्त परिवार आफन्तकोमा आश्रय लिएर बसिरहेको अध्यक्ष पुनले जानकारी दिनुभयो ।
यसैबीच पिडित परिवारलाई तत्काल वडा कार्यालयले खाद्यान्न लगायतका आवश्यक सामाग्री वितरण गरेको थियो भने जिल्ला प्रशासन कार्यालयवाट रु १५ हजार रुपैया, नेपाल रेडक्रस सोसाईटीवाट भाँडाकुडा, लत्ताकपडा, बाल्टिन, तथा मोदी गाउँपालिका-(४ का निरवहादुर फकामीले १ बोरा चामल सहयोग गर्नुभएको वडा अध्यक्ष पुनले जानकारी दिनुभयो ।