पर्वत- पर्वतको महाशीला गाउँपालिका वडा नं. ४ पाखापानीमा गुडिरहेको बसवाट खसेर एक बृद्धको मृत्यु भएको छ ।
महाशीला गाउँपालिका वडा नं. ५ लुंखुदेउरालीदेखि बुटबलका लागि छुटेको ग१ख ५१६२ नम्वरको बसवाट खसेर वडा नं. ४ पाखापानी स्थित लाम्तुन निवासी ५६ वर्षिय टेकबहादुर दर्जिको मृत्यु भएको हो ।
आफन्तलाई बस चढाउन आएका दर्जि बसमा चढेर केहि पर गई झर्ने क्रममा खसेर गम्भीर घाईते भएको र उपचारका लागि स्याङ्जा जिल्ला अस्पतालमा पुर्याउँदा अस्पतालले मृत घोषणा गरेको प्रहरीले जनाएको छ ।
मृतक दर्जिको शव पोष्टमार्टमका लागि स्याङ्जा अस्पतालमा राखिएको छ भने बसका चालक र सहचालकलाई जिल्ला प्रहरी कार्यालय पर्वतले नियन्त्रणमा लिएको छ ।
घटनाको थप अनुसन्धान भैरहेको प्रहरीले जनाएको छ ।
