पर्वत – पर्वतको जलजला गाउँपालिकाले औधोगिक ग्राम स्थापना गर्ने भएको छ । संघीय सरकारले जलजला गाउँपालिकामा औधोगिक ग्राम स्थापना गर्न अनुमती दिएपछि गाउँपालिकाले तयारी थालेको हो । गाउँपालिकाका अनुसार माझफाँटमा औधोगिक ग्राम स्थापनाका लागि जग्गा व्यवस्थापन गरि बोलपत्र आव्हान भैसकेको छ । औधोगिक ग्राम स्थापनाका लागि सबै प्रक्रिया
गाउँपालिकाले माझफाँटमा २५० रोपनी सार्वजनिक जग्गा व्यवस्थापन गरी औद्योगिक ग्राम बनाउनका लागि बोलपत्र आह्वान गरेको प्रमुख प्रशासकीय अधिकृत अर्जुन शर्माले जानकारी दिनुभयो । शर्माका अनुसार चालु आर्थिक वर्षमा संघीय सरकारले औद्योगिक ग्राम स्थापनाका लागि ९२ लाख रुपैयाँ बजेट विनियोजन गरेको छ ।
उक्त बजेटबाट चालु आर्थिक वर्षमा कम्पाउण्ड वाल,गेट र समथर जग्गा निर्माणका लागि वोलपत्र आह्वान गरिएको उहाँले बताउनुभयो । पौष मसान्त सम्म ठेक्का सम्झौता गरी निर्माणको काम थालिने प्रमुख प्रशासकीय अधिकृत शर्माले जानकारी दिनुभयो ।
गाउँपालिका भित्र रहेका साना तथा घरेलु उद्योग स्थापनाका लागि सहज वातावरण बनाउन संघीय सरकारले प्रत्येक स्थानीय तहमा औद्योगिक ग्राम स्थापना गर्ने योजना अगाडि सारेको हो ।
स्थापना हुन लागेको औद्योगिक ग्राममा हेल्थपोष्ट,चमेना गृह,कार्यालय भवन,प्रदर्शनी हल,सुरक्षा गार्डको भवन,अग्नी नियन्त्रण,बैंक लगायतको व्यवस्था गरिने छ । यसका साथै १७ वटा प्लट निर्माण गरिने छ । सडक,पेटी क्षेत्र,शौचालय,फोहोरपानीको शुद्धीकरण क्षेत्र र पानी ट्याङकी लगायतका पूर्वाधार निर्माण हुने छन् । यसै गरी औद्योगिक ग्राम भित्र लोडिङ अनलोडिङ क्षेत्र,पार्कीङ र हरियाली क्षेत्र निर्माण गरिने छ ।
औद्योगिक ग्राम स्थापना भएसँगै साना तथा घरेलु उद्योग स्थापना गर्न चाहने व्यक्ति जग्गाको कारण खुम्चिनु पर्ने छैन प्रमुख प्रशासकीय अधिकृत शर्माले भन्नुभयो ‘औद्योगिक ग्राम स्थापना गर्ने सरकारको राम्रो कार्यक्रम हो । यसले गाउँपालिका भित्र साना तथा घरेलु उद्योग सञ्चालन गर्ने वातावरण तयार गर्दछ ।’
