पर्वत- पर्वतको महाशीला गाउँपालिकामा बुधवार थप तीन जनामा कोरोना सक्रमण पुष्टि भएको छ । क्षयरोग उपचार केन्द्र पोखरामा गरिएको परिक्षणमा तीन जना पुरुषमा कोरोना संक्रमण पुष्टि भएको हो । महाशीला गाउँपालिका वडा नं. ३ का एक ४६ वर्षिय पुरुष, वडा नं. ५ का ३४ वर्षिय पुरुष र ४५ वर्षिय पुरुषमा संक्रमण पुष्टि भएको गण्डकी स्वास्थ्य निर्देशनालय पोखराले जनाएको छ ।
संक्रमित तीनै जना कन्ट्राक्ट टे्रेसिङवाट पहिचान भएका हुन् । उनिहरुलाई स्थानीय कोरोना अस्थायी अस्पतालमा राखेर उपचार गर्ने तयारी भैरहेको छ ।
यो सँगै पर्वतमा कोरोना संक्रमितको संख्या ३ सय ९ पुगेको छ भने गण्डकी प्रदेशमा संक्रमितको संख्या १२ हजार २ सय ९७ पुगेको छ । निर्देशनालयका अनुसार पर्वतमा सक्रिय संक्रमितको संख्या १ सय ४५ पुगेको छ ।