पर्वत– १८ औँ गणतन्त्र दिवसको अवसरमा नेकपा एमाले कुश्मा नगर कमिटिले कुश्माको शिवालय माविमा अध्ययनरत दृष्टिबिहीन बालबालिकालाई सहयोग गरेको छ ।
विद्यालयमा अध्ययनरत दश जना दृष्टिबिहीन बालबालिकालाई शैक्षिक सामाग्री र झुल सहयोग गरिएको हो । कार्यक्रममा नेकपा एमाले पर्वतका संस्थापक तथा जेष्ठ कम्युनिष्ट मञ्चका सल्लाहाकार तोयानाथ चालिसेले विद्यार्थीहरुलाई सामाग्री हस्तान्तरण गर्नुभएको हो ।
कार्यक्रममा बोल्दै प्रमुख अतिथि चालिसेले गणतन्त्रलाई संस्थागत गर्नका लागि सम्पुर्ण राजनीतिक दलहरु एकजुट हुनुपर्नेमा जोड दिनुभयो । जसरी संविधान निर्माण र गणतन्त्र स्थापनामा सवै दल एकजुट भएका थिए यसको संस्थागत र विकासका लागि पनि एकजुट हुनुपर्ने उहाँको भनाई छ । गणतन्त्र दिवसमा एमालेले कुश्मा नगरले गरेको उक्त सामाजिक कार्यको चालिसेले प्रसंसा गर्नुभएको छ ।

नेकपा एमाले कुश्मा नगर कमिटिका अध्यक्ष किशोर सापकोटाको अध्यक्षतामा सम्पन्न कार्यक्रममा स्वागत उपाध्यक्ष गणेश पौडेल र संचालन सचिब जीतबहादुर विश्वकर्माले गर्नुभएको थियो । कार्यक्रममा नेकपा एमाले केन्द्रीय सल्लाहाकार परिषद सदस्य मेघनाथ सुवेदी, प्रदेश कमिटि सदस्य शान्त पौडेल, जुनादेवी नेपाली नेकपा जिल्ला कमिटि सचिब सुवास पौडेल लगायतको उपस्थिति रहेको थियो ।