पर्वत– नेकपा (एमाले) कुश्मा नगर कमिटिले आगामी कार्तिक २५ गते मंगलवार सदरमुकाम कुश्माबजारमा बृहत मोटरसाइकल र्याली गर्ने भएको छ । कुश्मा नगर कमिटिको बुधवार सम्पन्न बैठकले यस्तो निर्णय गरेको हो ।
एमालेले देशभरै पछिल्लो राजनैतिक घटनाक्रम पछि जागरण सभा, जनप्रदर्शनहरु गरिरहेको अवस्थामा नेकपा एमालेलाई अझै शसक्त र जनता पक्षमा दृढ रुपमा उभ्याउनका लागि मोटरसाईकल र्याली गर्न लागिएको हो । लोकतन्त्रको जगेर्ना र संविधानको रक्षाका लागि नेकपा एमालेको अभियान अन्तर्गत र्याली शान्तिपुर्ण रुपमा गरिने भएको छ । पार्टी कार्यालयवाट विहान ११ बजे शुरु हुने र्याली कुश्माबजार परिक्रमा गरी शिवालयचोकमा पुगेर कोणसभामा परिणत हुने एमाले कुश्मा नगर कमिटिद्धारा बिहीवार आयोजित्र पत्रकार सम्मेलनमा अध्यक्ष किशोर सापकोटाले बताउनुभयो ।
मोटरसाईकल र्यालीलाई भव्य रुपमा सम्पन्न गर्नका लागि सम्पुर्ण एमाले नेता कार्यकर्ताहरुलाई उपस्थितिका लागि अनुरोध गरिएको उहाँले बताउनुभयो ।
आगामी कार्तिक २८ गते जिल्ला स्तरीय जनसभा गर्न लागेको एमालेले सवै पालिका तथा वडाहरुमा समेत प्रदर्शन गर्ने गरी तयारी गरीरहेको छ । सरकारले फागुन २१ गते निर्वाचन घोषणा गरे पनि एमालेले भने निर्वाचनको वातावरण अझै नबनेको भन्दै दवाबमुलक जनप्रर्दशनहरु गरिरहको छ ।
