कमला केसी/दक्षिण कोरिया
लाबा मिडिया प्रा.लि हेटौंडाका सञ्चालक शुभराज भोम्जनको शब्द, संगीतमा सजिएको चञ्चले मेरो मन बोलको गीत सार्वजनिक भएको छ ।
लाबा मिडिया प्रा. ली. को आधिकारिक युट्युब च्यानल लाबा मिडिया मार्फत मंगलवार सार्वजनिक गरिएको हो । उक्त गीतमा गायीका सुमीनाको आवाज र गायक तथा संगीतकार जोगलाल लामाको एरेञ्जमा तयार पारिएको हो । कलाकार प्रतिज्ञा लामाको जीवन कहानीमा आधारित रहेर तयार पारिएको उक्त गीत लाबा मिडिया प्रा. ली. हेटौंडाको ब्यानरमा बनेको हो ।
गीतमा गायीका अन्जु थोकरको कोरस आवाज रहेको छ भने गायक तथा संगीतकार प्रकास तितुङ तामाङले निर्माण सहयोगिको भुमिका निर्वाह गरेका छन । लाबा मिडिया प्रा. लिको सञ्चालक तथा गीतका शब्दकार तथा संगीतकार शुभराज भोम्जनले यस गीतलाइ फिमेल भर्सन र मेल भर्सन दुबै पार्टमा तयार गरिएको जानकारी दिनुभयो ।
मेल भर्सनको लिरिकल भिडियो भने दुइ हप्ता पछि मात्रै सार्बजनिक गरिने जनाइएको छ । वास्तबिक कथा बस्तुमा तयार पारिएको गीत भएकोले पुणर् भिडियो तत्काल निर्माण गर्न सम्भब नभएकोले लिरिकल भिडियो मात्रै सार्बजनिक गरिएको हो ।
यस गीतको पुरुष र महिला दुबै आवाजको भिडियो केहि समय पछि लाबा मिडियाकै ब्यानरमा तयार पारेर बजारमा ल्याउने जनाइएको छ । लाबा मिडिया प्रा. ली. बि.स. २०७३ सालमा स्थापना भए देखिनै मिडियाको ब्यानरमा भोमोखबर डटकम अनलाइन पत्रीका, आत्मा हत्या न्युनिकरणको सदेश प्रवाह गर्नेगरि तयार पारिएको ठुलो बजेटको नेपाली सामाजिक चलचित्र ’ कल्चर ’ र केहि म्युजिक भिडियोहरु पनि बनिसकेको बताईएको छ ।