पर्साका ४ जना पत्रकारमा पनि कोरोना संक्रमण, संक्रमितको संख्या अझै बढ्न सक्ने ! - News site from Nepal
काठमाडौं– पर्सामा आज (मंगलबार) एकै दिन भेटिएका ३९ जना कोरोना संक्रमितमध्ये केही पत्रकार समेत रहेका खुलेको छ ।
नारायणी अस्पताल वीरगञ्जका डाक्टर उदय नारायण सिंहका अनुसार मंगलबार संक्रमण पुष्टि भएका कोरोना संक्रमितमा पत्रकारहरु समेत रहेका छन् । अस्पताल स्रोतका अनुसार मंगलबार पुष्टि भएका ३९ जनामध्ये अहिलेसम्म ४ जना
त्रकारहरु रहेको खुलेको छ ।
‘मंगलबार संक्रमण पुष्टि भएका सबैको विषयमा हामीले डिटेल लिने काम गरीरहेका छौं,’ डा सिंहले खबरहबसँग भने, ‘आज भेटिएका संक्रमितहरुमध्ये पत्रकारहरु पनि हुनुहुन्छ भन्ने कुरा आएको छ, केही समयमा थप जानकारी आउँछ ।’
एकैदिन ३९ जनामा कोरोना संक्रमण देखिएकाले पर्सामा समुदायमा कोरोना संक्रमण फैलिएको अवस्था भएको डा सिंहले बताए । डा सिंहका अनुसार पर्सामा संकलन भएका थ्रोड स्वाब परीक्षणको क्रम अझै जारी रहेको छ । त्यसैले पर्सामा संक्रमितको संख्या अझै बढ्न सक्छ ।
‘आज देखिएको केसलाई हेर्दा कोरोना संक्रमण अब समुदायमा फैलिएको अवस्था हो, आज देखिएका जति नै संक्रमित भोली पनि देखिन सक्छन्,’ डा सिंहले भने, ‘आज त आधा थ्रोट स्वाबको मात्र नतिजा आएको छ, भोली यो भन्दा बढी केस देखिने सम्भावना छ ।’
इपिडिमियोलोजी तथा रोग नियन्त्रण महाशाखाका निर्देशक डाक्टर बासुदेव पाण्डे पनि अब नेपालमा कोरोना संक्रमितको संख्या बढ्ने बताउँछन् । उनले भने, ‘भारतका सीमा नाकाबाट आउने जाने क्रम चलिरहेको छ, त्यसैले अब संक्रमित बढ्न सक्छन् ।’
कोरोना समुदायमा फैलिएको हो वा होइन भन्नेबारे भने कन्ट्याक्ट ट्रेसिङको काम सकिए पछि मात्र यकिन हुने उनले बताए ।
‘संक्रमति देखिएका क्षेत्रहरुमा अहिले त्यहाँ रहेका स्वास्थ्यकर्मीहरुले कन्ट्याक्ट ट्रेसिङ गर्दै हुनुहुन्छ,’ डा पाण्डेले भने, ‘संक्रमितलाई कोरोना सर्ने स्रोत थाहा नहुँदा मात्र समुदायमा फैलिएको भन्ने हो । त्यसैले कन्ट्रयाक ट्रेसिङको काम नसकिँदै समुदायमा संक्रमण फैलिएकोभन्न मिल्दैन ।’

प्रतिक्रिया

सम्बन्धित समाचार

© 2021 लोकतन्त्र अनलाईन All right reserved
Site By : Softnagari
error: Content is protected !!