पर्वतको कुश्माका क्यान्सर पिडित खड्कालाई अन्तराष्ट्रिय पर्वत सेवा समाजद्धारा ६० हजार सहयोग - News site from Nepal

पर्वत/कुश्मा नगरपालिका वडा नम्बर ४ कुश्माका मिनबहादुर परियार (खड्के)लाई इजरायलबाट आर्थिक सहयोग प्राप्त भएको छ । अन्तराष्ट्रिय पर्वत समाजका उपाध्यक्ष दिपिका भुसालको सक्रियतामासंकलन भएको ६० हजार रुपैयाँ परियारका परिवारलाई हस्तान्तरण गरिएको हो ।

अन्र्तराष्ट्रिय पर्वत समाजका नेपाल प्रतिनिधि मुना भुसालले काठमाडौ मेडिकल कलेजमा उपचाररत मिनबहादुरलाई अस्पतालमै पुगेर हस्तान्तरण गरेकी हुन । भुसालले मिनबहादुरको पत्नीलाई रकम हस्तान्तरण गरेको जानकारी दिइन । उनले सानो रकम भएपनि उपचारमा केही राहत मिल्ने भएकोले इजरायलमा रहेका नेपालीले संकलन गरेर पठाएको बताइन । यसअघि भुसालले नेदरल्याण्डमा रहेका नेपालीले संकलन गरेर पठाएको ६० हजार सात ४१ रुपैयाँ मिनबहादुरको घरमै पुगेर प्रदान गरेकी थिइन ।

हालसम्म उपचारका क्रममा नेपाल र भारतको अस्पतालमा झण्डै ५० लाख रुपैयाँ खर्च गरिसकेका मिनबहादुरको उपचारमा आर्थिक अभाव भएपछि सहयोगको आब्हान गरिएको थियो । यसअघि पत्रकार रामकृष्ण लामिछानेले एभरेष्ट बैंक कुश्मामा खोलेको खातामा ११ लाख ७४ हजार रुपैयाँ संकलन भएको थियो । उक्त रकम मिनबहादुरलाई हस्तान्तरण गरिसकिएको छ ।

प्रतिक्रिया

सम्बन्धित समाचार

© 2019 लोकतन्त्र अनलाईन All right reserved
Site By : Softnagari