पर्वत–समुदाय प्रहरी साझेदारी कार्यक्रम अन्तर्गत जिल्ला प्रहरी कार्यालय पर्वतको आयोजना तथा सामुदायिक प्रहरी सेवा केन्द्र कुश्मा पर्वतको सहकार्यमा पर्वतको कुश्मा नगरपालिका वडा नं. ४ मा रहेको प्रसिद्ध धार्मिक एवम् पर्यटकीय स्थल गुप्तेश्वर गुफा परिसरमा सरसफाई कार्यक्रम सम्पन्न भएको छ ।
गुफामा आउने आन्तरिक तथा बाह्य पर्यटक र भक्तजनहरुको आकर्षणलाई मध्यनजर गर्दै शुक्रवार विहान सरसफाई गरिएको हो । कार्यक्रममा प्रमुख जिल्ला अधिकारी कल्पना घिमिरे नेपाल, जिल्ला प्रहरी कार्यालयका प्रमुख प्रहरी नायव उपरीक्षक श्यामु अर्याल, उद्योग वाणिज्य संघ पर्वतका अध्यक्ष केदारनाथ शर्मा, सामुदायिक प्रहरी सेवा केन्द्रका अध्यक्ष शिव प्रसाद सुवेदी, गुप्तेश्वर गुफा व्यवस्थापन समितिका अध्यक्ष मान कुमारी गिरी लगायत स्थानियहरु र प्रहरी कर्मचारीहरुको सहभागिता रहेको थियो ।
सो अवसरमा गुप्तेश्वर गुफा, मन्दिर परिसर, सत्तल, पाटी पौवा आदीको सरसफाई गरीएकोे हो ।