पर्वत- पर्वतको जलजला गाउँपालिका भित्रका आधारभूत तथा प्रा.वि.का शिक्षकहरुलाई पाँच दिने आईसिटी तालिम सुरु भएको छ । विद्यालयहरुलाई प्रविधिमैत्रि बनाउन आधारभूत तहका शिक्षकहरुलाई नै ईमिस, माईक्रोसफ्ट वर्ड, एक्सेल, पावरपोइन्ट, शिक्षका लागि एआई, साईवर सेक्युरिटी, शिक्षा एलएमएस प्राणाली, गुगल क्यासरुम प्रणाली संगै अन्य प्रविधिहरुको बिषयमा तालिममा सहजिकरण गरिने तालिमका प्रशिक्षक गाउँपालिका सूचना प्रविधि अधिकृत सुदिप पौडेलले जानकारी दिनुभयो ।
२५ जना शिक्षकहरु सहभागी रहेको तालिममा शिक्षकहरुलाई आवश्यक पर्ने प्रविधियुक्त सिपलाई समेत प्राथमिकता राखेर तालिम संचालन भैरहेको सहजिकरण गरिरहुनु भएका ज्योति मण्डल माविका शिक्षक लेथ बहादुर कार्कीले जानकारी दिनुभयो ।
आगामी आर्थिक बर्षका लागि स्मार्ट विद्यालय कार्यक्रम मार्फत सामुदायिक विद्यालयमा सूचना र प्रबिधिको प्रयोग मार्फत पठनपाठन गराउन रु. दुई करोड ७० लाख बिनियोजन भएको गाउँपालिका अध्यक्ष राजु प्रसाद आचार्यले जानकारी दिनुभयो । उहाँले सामुदायिक विद्यालयको शिक्षालाई सुधारका लागि एकिकृत परिक्षा प्रणाली र लिडर विद्यालयको नीति लिएको छ ।