पर्वत- नेकपा एमाले फलेवास नगर कमिटिको अध्यक्षमा देविप्रसाद तिमिल्सिना निर्वाचित हुनुभएको छ । नेतृत्वका लागि शनिवार भएको निर्वाचनमा तिमिल्सिनाले १ सय ६४ मत प्राप्त गर्नुभएको छ भने उहाँका प्रतिद्धन्द्धी विक्रम जिसीलाई ४६ मत परेको थियो । त्यसैगरी उपाध्यक्षमा नारायणप्रसाद शर्मा, सचिबमा गोविन्द भुसाल, उपसचिबमा विनोद भुसाल र सुनिता शर्मा बिजयी हुनुभएको छ ।
कमिटिका सदस्यहरु भने सर्वसम्मत रुपमा चयन भएका छन् । पदाधिकारीमा सहमति हुन नसकेपछि अन्तत निर्वाचन प्रकृया मार्फत नेतृत्व चयन गरिएको हो ।
एमालेको जिल्ला अधिवेशनमा देखिएको दुईलाईन संघर्ष फलेवासमा पनि देखिएको हो । यद्यपी फलेवासमा पदाधिकारी बाहेक कमिटिका सवै सदस्यहरु भने सर्वसम्मत चयन भएका थिए ।
नेकपा एमालेको जेठ मसान्त भित्र पालिका अधिवेशन सक्ने कार्यतालिका रहेपनि पर्वतमा फलेवास नगरपालिकामा मात्र अधिवेशन भएको हो । जिल्लाका अन्य ६ वटा पालिकामा भने अधिवेशन हुन सकेको छैन ।