पर्वत- नेकपा एमाले पर्वतको मिसन ग्रासरुट अभियान अन्तर्गत पर्वतको कुश्मा नगरपालिका वडा नं. १२ ठुलीपोखरीमा पार्टी सुदृढिकरण तथा विस्तार तथा प्रशिक्षण कार्यक्रम सम्पन्न भएको छ ।
कार्यक्रममा बोल्दै नेकपा एमाले प्रदेश किमिटि सचिबालय सदस्य तथा पूर्व मन्त्री विकास लम्सालले यो मुलुकको सच्चा कम्युनिष्ट पार्टी भनेको नेकपा एमालेमात्रै हो भन्नुभयो । सत्ता र कुर्चिका लागि काँग्रेससँग कुम जोड्नेहरु सच्चा कम्युनिष्ट हुन नसक्ने बताउँदै पद लोलुपताले प्रचण्ड दिन प्रतिदिन खुईलिदै गएको बताउनुभयो । उहाँले चौतर्फी घेरावन्दीका बीचमा पनि एमाल लोकप्रिय मतमा मुलुकमा पहिलो द लबनेको बताउँदै आगामी निर्वाचनपछि एमाले एक्लैले ५१ प्रतिशत सिट हासील गर्नका लागि मिसन ग्रासरुट अभियान संचालन गरिएको बताउनुभयो । उहाँले नेता तथा कार्यकर्ताहरुलाई तल्लो तहदेखि पार्टीको सुदृढिकरणमा लग्न्न आग्रह गर्नुभयो ।

कार्यक्रममा नेकपा एमाले प्रदेश कमिटि सदस्य शान्त पौडेल, जिल्ला उपाध्यक्ष पदमपाणी शर्मा, जिल्ला उपसचिब शिव पौडेल, नगर उपाध्यक्ष किशोर सापकोटा, जिल्ला सदस्य गोकणर् सुवेदी, राजेन्द्र पौडेल लगायतले सम्वोधन गर्नुभएको थियो ।
नेकपा एमाले वडा कमिटि अध्यक्ष ढाकाराम सापकोटाको अध्यक्षतामा सम्पन्न कार्यक्रमको स्वागत मिलन पौडेल र संचालन भरत सुवेदीले गर्नुभएको थियो ।
कार्यक्रममा विभिन्न पार्टी परित्याग गरी प्रकाश सुवेदी, मनबहादुर नेपाली, टिकाराम दमाई, मोहलाल कुँवर, माया विक लगायतका कार्यकर्ता एमालेमा प्रवेश गरेका थिए ।