विषादी परीक्षण नगर्ने सरकारको निर्णय कार्यान्वयन नगर्न सर्वोच्चको अन्तरिम आदेश

काठमाडौं– सर्वोच्च अदालतले भारतबाट नेपाल आयत हुने तरकारी तथा फलफूलमा विषादी परीक्षण नगर्ने निर्णय कार्यान्वयन नगर्न अन्तरिम आदेश दिएको छ ।न्यायाधीश डा. आनन्दमोहन भट्टराईको एकल इजलासले तरकारी तथा फलफूलको आयतमा विषादी परीक्षण नगर्ने मन्त्रिपरिषद्का निर्णय कार्यन्वयन नगर्न आदेश दिएको हो ।इजलासले विषादी परीक्षण सम्बन्धमा दायर भएका तीनवटा रिटमा आदेश गर्दै भन्सारमा परीक्षणको व्यवस्था मिलाउन भनेको छ ।विषादी चेकजाँच नगरी भारतीय तरकारी र फलफूल नेपाल भत्रन दिने सरकारको निर्णयविरुद्ध सर्वोच्च अदालतमा मंगलबार विभिन्न तीन वटा रिट दायर भएका थिए ।आदेशमा निवेदकको मागबमोजिम आदेश किन जारी हुन नपर्ने हो ? आदेश जारी हुनु नपर्ने आधार र कारण भए सो समेत साथै राखी यो आदेश प्राप्त भएका मितिले बाटाका म्यादबाहेक १५ दिनभित्र महान्यायाधिवक्ताको कार्यालयमार्फत लिखित जपाफ पेस गर्न सरकारको नाममा आदेश जारी गरेको छ ।यस्तै यो विषयमा दुवै पक्ष राखि छलफल गर्न आवश्यक देखिएको भन्दै अदालतले साउनको ३० गते उपस्थित हुन र छलफलबाट टुंगो नलागेसम्म असार १८ गतेको निर्णय कार्यान्वयन नगर्नु नरउनु भनी अल्पकालीन अन्तरिम आदेश जारी भएको छ ।