पर्वत- पर्वत सदरमुकाम कुश्माबजारमा सामाजिक क्षेत्रमा काम गर्ने उद्धेश्यले स्थापना भएको प्रगति जननी महिला समुह कुश्माको प्रथम स्थापना दिवस सम्पन्न भएको छ ।
स्थापना दिवसको अवसरमा शुभकामना आदानप्रदान गर्नुका साथै अभिभावक बिहीन बालबालिकालाई शेक्षिक सामाग्री र पोषाक वितरण गरिएको छ ।
कार्यक्रममा प्रेस यूनियनका केन्द्रीय सदस्य माया अधिकारी, इनरह्वील क्लवकी मिना जोशी, क्लवका सल्लाहकार कमला पन्त, निला श्रेष्ठ, अप्सना वि पोखरेल, सुनकुमारी लगायतकाले बोल्नुभएको थियो ।
समुहका अध्यक्ष चन्द्रकला पौडेलको अध्यक्षतामा सम्पन्न कार्यक्रममा धन्यवाद मन्तव्य उपाध्यक्ष कल्पना वि पौडेलले राख्नुभएको थियो । कार्यक्रममा अभिभावक बिहीन दुई जना बालक दिप र दिप्सन कुमाललाई झोला, कापी र कपडा सहयोग गरिएको थियो । कार्यक्रमको संचालन सिर्जना पौडेलले गर्नुभएको थियो ।