पर्वत- लायन्स इन्टरनेशनल- ३२५ आई अन्तर्गत पर्वतका चार क्लबहरुको वर्ष २०२४/२५ को संयुक्त पदस्थापन कार्यक्रम सम्पन्न भएको छ ।
दुई चरणमा सम्पन्न कार्यक्रममा क्रमशः लायन्स क्लब अफ पर्वत गुप्तेश्वरका निवर्तमान अध्यक्ष डासिराम अधिकारी र लायन्स क्लब अफ पर्वत सारथीका वर्ष २०२४/२५ को अध्यक्ष लिला डवाडीको अध्यक्षता र डिस्ट्रिक गभर्नर लायन बिनोद ढुङ्गानाको प्रमुख आतिथ्यतामा कार्यक्रम सम्पन्न भएको हो ।
कार्यक्रममा पर्वतमा क्रियाशिल लायन्स क्लब अफ पर्वत गुप्तेश्वर, पर्वत भुमेकोट, पर्वत गप्तेश्वर मोदी र पर्वत सारथीका सम्पूणर् क्लब पदाधिकारीहरुको पदस्थापन गरिएको थियो । कार्यक्रममा डिस्ट्रिक गभर्नरद्वारा विभिन्न क्लबमा आबद्द भएका नयाँ सदस्यहरुलाई स्वागत गरिनुका साथै स्कुलिङ पनि गरिएको थियो । हरेक क्लब अध्यक्षहरुले भावि योजना तथा प्रतिबद्दता प्रस्तुत गरिएको कार्यक्रमको संचालन देवेन्द्र पौडेल र शान्ती श्रेष्ठले गर्नुभएको थियो ।
कार्यक्रममा पूर्व गभर्नर राम बसेल र लायन बद्रिका ढुङ्गानाले शुभकामना तथा डिस्ट्रिक कोर्डिनेटर अर्जुन पौडेल निर्जनले धन्यवाद मन्तव्य राखुभएको थियो । सो अवसरमा वर्ष २०२४/२५ को ’मानवता पहिलो प्राथमिकता’ भन्ने डिस्ट्रिक गभर्नरले अघि सारेको नारालाई साकार पार्न तथा आपत-विपदमा राहत तथा उद्दारमा डिस्ट्रिक ३२५ आई क्रियाशिल रहेको डिस्ट्रक कोर्डिनेटर निर्जनले बताउनुभयो ।
सो अवसरमा नमूना आवासीय माविका विधार्थीहरुले नृत्य प्रस्तुत गरि कार्यक्रमको शोभा बढाएका थिए ।