पर्वत- मध्यपहाडी लोकमार्गमा सम्बृद्धिको लागि संकल्प यात्रामा निस्किएका एमाले अध्यक्ष केपी शर्मा ओलीले विहिवार पर्वत सदरमुकाम कुश्मा बजार स्थित कम्युष्टि पाटीका संस्थापक नेता तोयनाथ चालिससंग भेट गरेका छन । पत्नी वियोगमा रहेका
चालिसेको घरमा गएर अध्यक्ष ओली र उनकी धर्मपत्नी राधिका शाक्यले चालिसेको परिवारलाई भेटेका हुन् ।
पर्वत जिल्लामा कम्युनिष्ट पाटी स्थापना गर्ने मध्येका एक जना चालिसेकी श्रीमती भीमकुमारी चालिसेको मंसिर १४ गते मृत्यु भएको थियो ।
पर्वत जिल्लाको साविक शिवालय गाविसका पूर्व उपाध्यक्ष समेत रहेका चालिसेको घरमा पुगेर ओली दम्पत्तिले भेट गरेका हुन् ।
चालिसे परिवारलाई समवेदना ब्यक्त गर्दै ओलीले चालिसेले कम्युनिष्ट पाटीको आन्दोलनमा खेलेको भूमिको प्रशंसा गरेका थिए ।
