पर्वत- सामाजिक सेवामा क्रियाशिल इनरह्वील क्लव अफ पर्वतले पर्वतको कुश्मा नगरपालिका वडा नं. २ मा रहेको सुर्योदय प्राविका विद्यार्थीहरुलाई न्यानो कपडा र शैक्षिक सामाग्री वितरण गरेको छ ।
क्लबका अध्यक्ष अनिता सापकोटाको र सदस्य लिला पौडेल दबाडीको जन्मोत्सवको अवसरमा विद्यालयलाई वाटर डिस्पेन्सर तथा विद्यार्थीहरुलाई न्यानो कपडा, र शैक्षिक सामाग्रीहरु वितरण गरिएको हो । इनरह्वील क्लव अफ पर्वतका अध्यक्ष अनिता सापकोटाको अध्यक्षतामा सम्पन्न कार्यक्रममा बोल्दै कुश्मा नगरपालिका वडा नं. २ का वडा अध्यक्ष यदुनाथ बास्तोलाले बौद्धिक अपाङ्गता भएका विद्यार्थहरुका लागि क्लवले गरेको सहयोगको प्रसंसा गर्नुभएको थियो । उहाँले सामाजिक सेवामा लाग्ने संस्थाहरुलाई जिवन्त रहने बताउँदै आगामी दिनमा पनि यस्तै कार्यमा लाग्न सुझाव दिनुभयो ।
कार्यक्रममा विद्यालय व्यवस्थापन समितिका अध्यक्ष धनराज पौडेल, निमित्त प्रअ नारारणप्रसाद भट्ट, समाजसेवी सरस्वती शर्मा जिज्ञासु लगायतले बोल्नुभएको थियो । कार्यक्रमको संचालन क्लवकी सचिब खिममाया पाईजाले गर्नुभएको थियो भने धन्यवाद मन्तव्य पूर्व अध्यक्ष चन्द्रकला लम्सालले राख्नुभएको थियो ।