सात हजार नेपाली रहेको कोरियाको थेगुमा कोरोनाको महामारी - News site from Nepal
सात हजार नेपाली रहेको कोरियाको थेगुमा कोरोनाको महामारी

काठमाडौं : दक्षिण कोरियाको राजधानी सोलदेखि तीन किलोमिटर दक्षिणको ख्याङसान क्षेत्रमा पर्छ थेगु सहर। यही सहरमा काम गर्ने आङपासाङ शेर्पा केही दिनयता निकै बेचैन छन्, कारण सहरमा फैलिइरहेको कोरोना भाइरसको संक्रमण। कोरियाको चौथो ठूलो सहर थेगुमा विभिन्न कम्पनीहरु छन्।
कामका लागि कोरिया पुगेका विभिन्न देशका कामदारको यहाँ उल्लेख्य उपस्थिति छ। तर, थेगुमा केही दिनयता हवात्तै फैलिएको कोरोना संक्रमणका कारण ती कामदार त्रासमा बसिरहेका समाचार कान्तिपुर दैनिकमा छ।
थेगुमा शनिबार मात्रै २२९ जनामा भाइरसको संक्रमण भएको छ। योसँगै कोरियामा कोरोना संक्रमितको संख्या ४३३ पुगेको छ। दुईको मृत्यु भएको छ। थेगु र आसपासका क्षेत्रमा सात हजार नेपाली इपिएसमार्फत काम गरिरहेका छन्।
भाइरसको संक्रमण बढ्दै जाँदा सहरमा दैनिक उपभोग्य सामानको अभाव हुन थालेको थेगुमै काम गरिरहेकी पार्वती वाइबाले बताइन्।

प्रतिक्रिया

सम्बन्धित समाचार

© 2021 लोकतन्त्र अनलाईन All right reserved
Site By : Softnagari
error: Content is protected !!