पर्वत– ‘परिवर्तनका सम्बाहक युवाको एकता आजको आवश्यकता’ भन्ने नाराका साथ २०६४ सालमा स्थापना गरिएको यस एकता क्लवको ११ औं साधारण सभा तथा ७ औं अधिबेसन सम्पन्न भएको छ ।
अधिवेशनले बिजय चापागाईको अध्यक्षतामा नयाँ कार्यसमिति सर्वसम्मत रुपमा चयन गरेको छ । क्लवको उपाध्क्षमा गोकुल चापागाई, सचिव अमृतप्रसाद पोख्रेल, कोषाध्क्षमा तारा पोख्रेल र सह–सचिवमा बिकास केसी रहनुभएको छ । त्यसैगरी सदस्यहरूमा राजेन्द्र बहादुर आचार्य, दिनेश तिवारी, मौसम आचार्य, सन्तोष क्षेत्री, थोमस भन्डारी, बिज्ञान केसी, बिष्णु पाठक, मिना बाँनिया के.सी.,पार्वती पौडेल सुजिता गुरूङ के.सी. रहनुभएको छ ।
निबर्तमान अध्यक्ष नरेन्द्र बहादुर खत्रीको अध्यतामा सम्पन्न कार्यक्रमको संचालन क्लवका सचिब गोकुल चापागाईले गर्नुभएको थियो । कार्यक्रममा संस्थापक अध्यक्ष बिक्रम केसी, पूर्व अध्यक्ष सूर्य के.सी, पूर्व अध्यक्ष अच्यूत तिवारी लगायतले मन्तव्य राख्नुभएको थियो ।