वरिष्ठ पत्रकार बलराम बानियाँ मृत भेटिए - News site from Nepal
वरिष्ठ पत्रकार बलराम बानियाँ मृत भेटिए

काठमाडौं – कान्तिपर दैनिकमा कार्यरत वरिष्ठ पत्रकार बलराम बानियाँ मृत फेला परेका छन् । साउन २६ (सोमवार) गते ढुंगेअड्डा तीनथानबाट हराएका बानियाँको शव मकवानपुरको सिस्नेरीस्थित माण्डो जलविद्युत परियोजना क्षेत्रमा फेला परेको हो ।
सोमवार बानियाँ घर जाने क्रममा बल्खु खोलाको पुलमुनितर्फ लागेको प्रहरीले जनाएको छ । महानगरीय प्रहरी परिसर काठमाडौंका प्रमुख एसएसपी श्याम ज्ञवालीले बानियाँको शव भेटिएको पुष्टि गरे ।

सोमवारदेखि हराएका बानियाँको खोजी गरिदिन परिवारले महानगरीय प्रहरी परिसर काठमाडौंमा उजुरी दिएका थिए । खोजीका क्रममा बल्खुमा उनको जुत्ता फेला परेको थियो ।

स्थानीयका अनुसार बानियाँ पुलमुनि जाँदै गर्दा हिलोमा अड्किएको र खोलाको पानीमा लडेका थिए । पानीको बढ्दो बहाबले गर्दा स्थानीयले उद्धार गर्न खोज्दा पनि सफल भएका थिएनन् ।

प्रहरीले बानियाँ बल्खु खोलामा लडेको र उनको शव खोलाले बगाएर मकवानपुर पुर्‍याएको बताएको छ । उनको शव पोस्टमार्टमका लागि हेटौंडा अस्पतालमा राखिएको छ ।

प्रतिक्रिया

सम्बन्धित समाचार

© 2020 लोकतन्त्र अनलाईन All right reserved
Site By : Softnagari