पर्वत– पर्वतको महाशीला गाउँपालिका वडा नं. ६ मा मंगलवार आगालागी हुँदा स्थानीय मिनबहादुर विश्वकर्माको गोठ जलेर नष्ट भएको छ । गोठमा आगालागी हुँदा दुईवटा भैसी घाईते भएका छन् ।
विपन्न मिनबहादुरको परिवारमा आगालागीबाट तीन लाख भन्दा बढिको क्षति पुगेको वडा अध्यक्ष रामबहादुर सुनारले जानकारी दिनुभयो । विश्वकर्माको घर भने सुरक्षित रहेको छ । आगालागीको कारण खुल्न सकेको छैन ।
उक्त परिवारलाई आर्थिक सहयोगको खाँचो रहेकोले सवैले सहयोग गरिदिन अध्यक्ष सुनारले आग्रह गर्नुभएको छ ।
