पर्वत- नेपाली काँग्रेसकी महाधिवेशन प्रतिनिधी मुना भुसालले पर्वतमा क्रियाशिल संचार माद्यामहरुलाई मास्क सहयोग गर्नुभएको छ ।
पर्वतकी पूर्व पत्रकार समेत रहनुभएकी नेतृ भुसालले कोभीडको समस्यामा पत्रकार तथा सञ्चारकर्मीहरु पनि अग्रस्थानमा खटिएर काम गर्नुपर्ने हुँदा कोरोनाको जोखिम बढ्ने भन्दै ६ सय थान मास्क सहयोग गर्नुभएको हो ।
भुसालले पत्रकार महासंघ पर्वतका अध्यक्ष छबिलाल तिबारीलाई मास्क हस्तान्तरण गनुभएको हो । भुसालले आफु पनि पहिले यसै क्षेत्रमा क्रियाशिल रहेर काम गरेको अनुभब सुनाउँदै व्यक्तिगत खर्चमा स्वास्थ्य सामाग्री वितरण गरेको बताउनुभयो ।
उहाँले यस अघि पर्वतका विभिन्न क्षेत्रमा पुगेर पनि मास्क वितरण गर्नुभएको थियो ।
