सञ्चारकर्मीहरुको पहलमा सञ्चालित चौतारी सञ्चार सहकारीको साधारणसभा सम्पन्न - News site from Nepal

पर्वत/ सञ्चारकर्मीहरुको पहलमा सञ्चालित चौतारी सञ्चार सहकारी संस्थाको पाँचौ साधारणसभा शनिबार कुस्मामा सम्पन्न भयो ।
संस्थाको साधारणसभाको अध्यक्ष केशबराज पुरीले उद्घाटन गर्नुभयो । उद्घाटन गर्दै सञ्चार क्षेत्र र बचत तथा ऋणको काम गर्ने संस्थाले परिर्वतीत समय अनुसार कारोबार परिर्वतन गर्न आवश्यक भएको अध्यक्ष पुरीले बताउनुभयो । संस्थाले सहकारी ऐन अनुसार नै सबै कारोबार ब्यबिस्थत गर्दै लाने प्रतिबद्धता जनाउनुभयो । संस्थाका संस्थापक अध्यक्ष गणेश पौडेलले सहकारीले बदलिएको परिस्थिति अनुसार आफ्ना काम काबार्हीहरुलाई परिर्वतन गर्दै लैजानुपर्ने धारणा राख्नुभयो ।

साधारसभामा कोषाध्यक्ष टंकलाल भुसालले आर्थिक प्रतिबेदन पेश गर्नुभएको थियो भने लेखा समितिका संयोजक उमाकान्त तिवारीले लेखापरिक्षण प्रतिबेदन पेश गर्नुभएको थियो । उद्घाटनसत्रको सञ्चालन सचिब प्रेम शर्मा पौडेल र स्वागत शिक्षा समितिका संयोजक राजेन्द्र पहाडीले गर्नुभएको थियो । साधारणसभाले संस्थाको नाम र उद्देश्य परिर्वतन गर्दै बचत तथा ऋण सहकारीको रुपमा लैजाने प्रस्ताब समेत पारित गरेको छ ।
२०७० मा स्थापित चौतारी सञ्चार सहकारीमा हाल ७६ जना शेयर सदस्य छन । संस्थाको शेयर पुंजी १ करोड २६ लाख ५५ हजार रुपैंया रहेको छ ।

प्रतिक्रिया

सम्बन्धित समाचार

© 2019 लोकतन्त्र अनलाईन All right reserved
Site By : Softnagari