पर्वतमा रहेका नेपालकै अग्ला पुल परिसरमा सरसफाई - News site from Nepal
पर्वतमा रहेका नेपालकै अग्ला पुल परिसरमा सरसफाई
पर्वत-आज विश्व पर्यटन दिवसको अवसर पारेर नेपाल युवा परिषदको राष्ट्रिय कार्यक्रम अन्तरगत कुश्मा कैंया अग्लो झोलुङ्गे पुल परिसर वरपर सरसफाइ कार्यक्रम सम्पन्न भएको छ ।
नेपाल युवा परिषदकि पर्वत प्रतिनिधि सूचना शर्मा को सभापतित्वमा सम्पन्न औपचारिक कार्यक्रममा कुश्मा नगरपालिकाकि उपप्रमुख सीता काफ्ले लामिछाने , कुश्मा नगरपालिका वार्ड नम्बर ५ कि वडा अध्यक्ष चित्रकला भारती , डिभिजन बन कार्यलय पर्वतका रेन्जर ईश्वर पुरि वडागाउ बन उपभोक्ता समितिकि अध्यक्ष मानकुमारी गिरि , पर्वत मिलन क्लबका अध्यक्ष लक्ष्मण श्रेष्ठ गण्डकी प्रदेशका नमूना युवा संसद बिपना सापकोटा लगाएत २ दर्जन व्यक्तिको सहभागिता रहेको थियो ।
विश्वकै छानोको रुपमा रहेको नेपालमा वर्षेनी लाखौं पर्यटक नेपाल भित्राइ बिदेशी मुद्रा आर्जन गर्न सकिने र यसका लागि प्राकृतिक सम्पदाहरुको संरक्षण सगै सरसफाइ पनि उत्तिकै आवश्यक पर्ने भएकोले यस्ता कार्यक्रमहरु वर्षको एकदिन मात्रै सिमित रहन नहुने कुरा व्यक्ताहरुले कार्यक्रममा राखेका थिए । राष्ट्रका खम्बा मानिने युवाहरुले यस्ता कार्यक्रम गर्दा आफुले सक्दो सहयोग गर्ने प्रतिबद्धता समेत सबैले जाहेर गरेका थिए ।
उक्त कार्यक्रमको संचालन नेपाल युवा परिषदका पर्वत प्रतिनिधि मिलन पौडेलले गर्नु भएको थियो ।

प्रतिक्रिया

सम्बन्धित समाचार

© 2024 लोकतन्त्र अनलाईन All right reserved
Site By : Softnagari
error: Content is protected !!