पर्वत /गण्डकी प्रदेश सरकारले पर्वतका ११ स्थानलाई पर्यटकीय गन्तब्यमा सुचीकृत गर्ने तयारी गरेको छ ।
गण्डकी प्रदेस सरकारले आन्तरिक पर्यटन बर्ष मनाउने सन्र्दभमा नयाँ गन्तब्य सुचीकृत गर्ने तयारी गरिरहेको छ ।
पर्वतका स्थापित पर्यटकीय गन्तब्य र नयाँ गन्तब्य बन्दै गएका स्थानहरुलाई
समेत समेटेर पर्यटकीय गन्तब्य सुचीकृत गर्ने तयारी भैरहेको छ । पर्वतका
नेपाल र बिश्वकै अग्लापुलहरु, पञ्चासे, सेतीबेणी शिला, लुंखुको महाशिला,
डहरे, मोदीबेणी धाम सहित समेटेर गुप्तेश्वर, अलपेश्वर, पार्वती गुफा,
भमरकोट माटे क्षेत्र, जलजला कालञ्जर क्षेत्र, निलकण्ठ चिसापानी क्षेत्र,
पैंयुकोट, खनियाँघाट शुक्लेश्वर , कालीगण्डकी जलयात्रा, दुर्लुङ्गकोट सहित
महभिरमा छहरा आरोहण लगायतका स्थानलाई पर्यटकीय गन्तब्यमा सुचीकृत गर्ने
तयारी भएको उद्योग, पर्यटन, वन तथा वातावरण मन्त्रालयले जनाएको छ ।
प्रदेशले सन २०२२ मा आन्तरिक भ्रमणबर्ष मनाउँदै छ । त्यस अवधी सम्म
पर्यटकीय गन्तब्यहरुमा आवश्यक पुर्वाधार बनाउने, केवलकार, होमस्टे,
टे«किङ्ग रुट लगायतका पुर्बाधार समेत बन्ने प्रदेश सरकारका पर्यटन मन्त्री
बिकास लम्सालले बताउनुभयो । ‘प्रदेशमा रहेको मुख्य सबै पर्यटकीय गन्तब्यमा
पुर्वाधार बनाउने र पर्यटकलाई आकर्षित गर्ने योजना छ’ उहाँले भन्नुभयो ।
यस्त गन्तब्यलाई पुर्वाधार बिकास गर्न प्रदेश सरकारले तत्काल ५० लाखका दरमा
बजेट बिनियोजन गर्ने तयारी समेत गरेको छ ।
यसघि संघीय सरकारको पर्यटन मन्त्रालयले मुलुकभरका १ सय पर्यटकीय गन्तब्यमा
पर्वतका तीन वटालाई स्थापित तथा प्रर्बद्धन गरिनुपर्ने र दुई स्थानलाई नयाँ
तथा बिकास गरिनुपर्ने पर्यटकीय गन्तब्यको रुपमा सुचिकृत गरेको थियो । यस
अघि पर्वतका कुनै पनि पर्यटकीय स्थल गन्तब्यको रुपमा सुचिकृत भएका थिएनन ।
संस्कृति , पर्यटन तथा नागरिक उड्डयन मन्त्रालयले गुप्तेश्वर गुफा,
सेतीबेणी शिला र पञ्चासेलाई स्थापित पर्यटकीय गन्तब्यको रुपमा सुचिकृत
गरिएको छ । पर्वतको कुश्मा नगरपालिका ३ दुर्लुङमा सञ्चालित क्यानोनिङ र
महाशिला गाउँपालिकामा रहेको महाशिला नयाँ तथा बिकास गरिनुपर्ने पर्यटकीय
गन्तव्यको सूचीमा समाविष्ट भएको हो ।
नेपाल सरकारको मन्त्रीस्तरीय निर्णय अनुसार छनोट भएका गन्तव्यहरुको विकास र
प्रबद्र्धनका लागि सरकारले आवश्यक बजेट विनियोजन गर्ने मन्त्रालयले
सार्वजनिक गरिएको विज्ञप्तिमा भनिएको छ । चालु आर्थिक बर्षको बजेटबाट नयाँ
पर्यटकीय गन्तव्य पहिचान तथा तिनको प्रबद्र्धनका लागि ५० करोड बजेट
विनियोजन भएको थियो ।
