पर्वतको पाङराङका युवा आर्थिक अभावले मुटुको भल्भ फेर्न नपाएपछि समस्यामा - News site from Nepal

पर्वत : आर्थिक अवस्था कमजोर भएपछि मुटुको भल्भ र नशामा आएको समस्याको उपचार गराउन नसक्ने भएपछि पर्वतका एक यूवाले आर्थिक सहयोगको अपिल गरेका छन ।
जिल्लाको फलेवास नगरपालिका ११ पाङराङ घर भएका १९ बर्षिय भिमबहादुर कुँवरको भल्भ परिवर्तन गर्नका लागि आर्थिक समस्या भएको हो । भीमको परिवारले सामान्य कृषि पेशा अंगाल्दे आएको र घरको आर्थिक अवस्था दयनिय रहेका कारण ठूलो रकम खर्च गरेर उपचार गराउन कठिन भएको उहाँका दाजु सन्तोष कुँवरले जानकारी दिनुभयो । स्वास्थ्यमा समस्या देखिएपछि भीमबहादुरलाई ६ दिनसम्म पर्वत सदरमुकाम कुस्माको कुस्मा अस्पताल राखेपछि थप उपचारको लागि पोखरा पठाइएको थियो ।
पोखरामा पनि ६ दिनसम्म राख्दा स्वास्थ्यमा सुधार नभएपछि र मुटुमा समस्या देखिएपछि पोखराबाट गंगालाल हृदयरोग केन्द्र बाँसबारी काठमाण्डौ लगिएको हो । दाजु सन्तोषका अनुसार भीमको उपचारको लागि जसोतसो जोहो गरेर झण्डै ३ लाख रुपैयाँ खर्च गरिसकिएको छ । तर, अहिलेसम्म पनि भल्भमा देखिएको समस्यालाई न्यूनीकरण गर्नमा मात्र उक्त रकम खर्च भएपछि शल्यक्रिया मार्पmत भल्भ नै परिवर्तन गर्न मोटो रकम आवश्यक पर्ने भएको हो । ‘अस्पतालले आउँदो मंसिरको १४ गते मुटुको शल्यक्रिया गरेर भल्भ परिवर्तन गर्ने भनेको छ ।’ उहाँले भन्नुभयो, ‘शल्यक्रियाका लागि आवश्यक पर्ने रकममध्ये ४ लाख रुपैयाँ अस्पताल आँपैmले बेहोर्छु भनेको छ । यति नै रकम लाग्छ भने निधो छैन् । हामीले पनि धेरै पैसा जुटाउनुपर्ने बाध्यता छ ।’
गंगालाल हृदयरोग केन्द्रमा मुटु रोगीहरुको उपचारमा सघाउनका लागि दाताहरुबाट प्राप्त भएको कोषबाट चार लाख रुपैयाँ सहयोग हुने आश्वासन आएको सन्तोषको भनाई छ । घरमा रहेको र आफन्तबाट खोजिएको पैसा शल्यक्रिया पूर्वकै अवस्थामा सकिएपछि अब आवश्यक पर्ने रकम जुटाउन मुस्किल परेको भीमबहादुरको परिवारले बताएको छ । भीमबहादुरको घरमा बुबा, आमा, दाजु, भाउजु र बहिनी रहेका छन् । उनीहरु सबैले सामान्य खर्चको जोहो गर्ने कृषि पेशा अंगाल्दै आएका छन् ।
तर बिहान बेलुकाको छाक टार्ने गरी गरिएको कृषिले आम्दानी नदिने र उपचारका लागि धेरै रकम आवश्यक पर्ने भएपछि सहयोगको अपिल गरेर भाईलाई बचाइदिन सबै समक्ष अनुरोध गरिएको दाजु सन्तोषको भनाई छ । भीमबहादुरको उपचारमा सघाउन चाहानेले उहाँका दाजु सन्तोष कुँवरलाई ९८६१८३४६७० मा सम्पर्क गर्न सक्नुहुनेछ ।

प्रतिक्रिया

सम्बन्धित समाचार

© 2019 लोकतन्त्र अनलाईन All right reserved
Site By : Softnagari